Katy Perry-i'n kum 7 hnuah tour nei leh dawn

Pop star Katy Perry chuan 'Lifetimes' tour a neih tur thu a puang a, hei hi kum 2017 hnuah tour a neih lehna hmasa ber tur a ni.

Perry hian April thla tawp lamah Mexico City-ah tour hi a ṭan dawn a, US-a khawpui lian hrang hrangah a perform ang. Hemi hnu hian Australia, Europe leh South America-ah show hi a nei chhunzawm dawn a ni. A concert-ah hian hit hrang hrangte a sa dawn a, a chhimtute tana mi leh beng tlaina tur show hmuhnawm tak chhawpchhuah sak a tum tih a sawi. UK-a tour a neih turah hian ticket pakhat hralh aṭangin £1 zel chu grassroots music tana thawktu, Music Venue Trust hnenah a hlan zel dawn a ni.