2024-ah Hindi Cinema sum hmuh a tlahniam

2024 Indian box office-ah regional film lam an che ṭha a, hei vang hian Hindi cinema te sum lak luh chu kum 2023 aiin a tlahniam.

Ormax Media Box Office report in a tarlan danin, kum 2024-a Hindi cinema sum lak luh chu Rs vbc 4,679 niin, kum 2023-ah a sum lak luh Rs vbc 5,380 aiin 13% in a thahniam a ni. Kum 2024 chunga Indian box office sum lak luh zinga 40% chauh chu Hindi cinema hian a luah pha bawk. Heng zingah hian South Indian film dubbed version aṭanga lak luh chu 31% a la ni zui bawk. Original Hindi language film sum lak luh tlakhniamna hi 37% a tling a ni. Indian market-a Hollywood film sum alk luh pawh 17% in a tlahniam bawk. Nikum chhunga Indian box office-a sum la lut tam ber chu Telugu action thriller, Pushpa 2 niin, khawvel pumah Rs vbc 1,403 a hmu chhuak. A Hindu-dubbed version chu Hindi film-a sum la lut tam ber a ni. Tamil leh Telugu cinema lamin hma an sawn nasa hle a, an market share pawh 15% leh 20% an tling pha tawh a ni.