A show-a a tlai chhan Ice Spice in sawifiah

Rapper Ice Spice chuan December 31, 2024-a Queensland, Australia-a Wildlands Festival-a a tlai avanga sawiselna nasa tak awm chungchangah a rawn ṭawng chhuak a, ngaihdam a dil.

Brisband Show-grounds-a hun hmanah hian 'Barbie World' hitmaker hi a headline tur a ni a, minute 30 chhung hun pek a ni. Mahse a show neih turah hian minute 25 dawnin a tlai a, hei vang hian stage-ah minute ruk vel chauh a inlan hman. Zan dar 12:30 curfew a nih avangin, organiser-te chuan Ice Spice hian minute nga a perform hnuah a microphone an off a, ani pawhin thu dang sawi loin stage a chhuahsan zui ve bawk. Fan an lawm lo a, an 'boo' khum nasa hle. Social media lamah sawiselna a nasa hle a, hun eng emaw chen a ngawih hnuah Ice Spice hi a rawn ṭawng chhuak ta a, khami ni kha a birthday a ni a, Barbie anga inchei tur khan hun a duh rei lutuk a ni tiin, an ngaihdam theih ngei a beisei thu a sawi.