Zendaya leh Tom Holland inhual

'Spider-Man' changtute, Zendaya Coleman leh Tom Holland chu an inhual tih sawichian a ni ta. Pathianni zana 2025 Golden Globes-ah khan Zendaya hian an inhualna, lunghlu zungbun pawh a rawn bun lang a ni.

People magazine in a tarlan danin, Holland hian holiday lai vel khan a propose niin an tarlang. Zendaya hnena a zungbun pek hi 5.02 carat East-West Cushion Diamond Button Back Ring niin an sawi bawk. Holland hian Zendaya nu leh pa hnenah pawh phalna a dil thlap niin an sawi. Zendaya leh Holland hi kum 2017 khan in date ṭanin, kum 2021-ah a inkawp thu hi an puangzar a ni. An hna lamah an la ṭul dun em avangin, inhual mah se inneih lam erawh an hmanhmawh mai rih dawn lo niin an sawi a, hetih lai hian an chhungte erawh chuan an inneih tur lo plan vel an phur tawh hle thung. Tom Holland hian tun hnaia Men's Health in a kawmnaah, fa a neih hunah chuan lemchan lam chawlhsan a tum thu a sawi.