Melania Trump documentary siam dawn

A ṭum hnihna atana US First Lady ni mai tur, Melania Trump documentary siam a ni dawn a, kumin kum chanve velah theatre leh Amazon streaming platform-ah tih chhuah hman tum a ni. 'Hercules' director, Brett Ratner chu director a ni ang.

He documentary-ah hian Melania chanchin dangdai leh ngaihnawm tak tak phochhuah tum a ni a , nikum December aṭang khan shooting pawh hi an ṭan tawh a ni. A mimal nun bakah First Lady a nih hnua a nun dante pawh tarlan tum a ni. Melania hi a pasal politician leh mi pawimawh tak a ni chungin ama chungchang bikah chuan privacy a dah pawimawh hle a, sawisel pawh a tawh phah fo bawk. Hei vang hian a nun dan tak hriatchian chakte tan chuan a documentary siam tur pawh hi en a chakawm phah hle ang.