Essy'n 'Krismas Nangnen' a rawn thar thawh leh dawn

Kum 10 bawr vel liam taah khan a hunlaia Mizo trio lar tak ṭhin Blue Corn chuan 'Krismas Nangnen' tiin Zoram mipuite min awi ṭhin, chu hla ngei mai chu tunlai zaithiam zinga huhang ngah tak leh zei tak Essy chuan a rawn thar thawh leh dawn.

Essy music video thar 'Krismas Nangnen' hi a sa hmasatu Blue Corn ho phuah kha a ni a, music leh recording chu 3brothers Recording Studio niin Wayward Production chuan video an siam sak thung. Music video-a make-up artist chu Makuri_93 niin wardrope chu loveherstyle Mc 2nd Floor a ni thung a, music video-a a model chu Obadia a ni bawk.

"He hla hi chawpchilh taka siam ni mah se ka tana hun pe a min buaipuitute zawng zawng chungah lawmthu ka sawi. Blue Corn-te'n phal takin min sak tir bawk a ka lawm em em a. Makeup artist leh Wardrobe phal takin athlawn liau liauin min tihsaka ka lawm em em. Tin,engkima min buaipuitu Lalhmingmawii khiangte leh Music & Recording min buaipuitute chungah lawmthu ka sawi a ni," tiin Essy chuan a lawm thu a sawi.

Zanin hian Zonet lamah pek chhuah a ni dawn a, zan dar 8-ah a You­Tube channel Essyofficial-ah thlira ngaihthlak theih a ni dawn bawk.