Nissan compact SUV hmasa ber Magnite Mizoramah
Car chhuak thar Nissan Magnite chu nimin khan Rafael Nissan showroom, Chanmari, Aizawlah Central YMA treasurer Fabian Lalfakawma'n a tlangzarh.
Japanese manufacturer Nissan-in India rama compact SUV (meter 4 tling lo) an siam chhuah hmasak ber a ni a, December 2 khan India ram hmun dangah tlangzarh a ni tawh hlawm.
Magnite hi a man tlawm ber Rs 5,07,500 niin a to ber chu Rs 10,06,198 a ni thung. Magnite hi Nissan-in 'engine te si ṭha si' ni tura a duan hmasak ber a ni a, petrol hmang 1-litre (1,000cc) vek niin turbo hmang leh hmang lo a awm thung. Gear thlak chawp ngai leh amaha inthlak nghal thei a awm a, Nissan thiamna sang hmanga chak tha tura thuam a ni.