FUJIFILM X India nena ṭangkawpin Mizo film siam

Mizo film industry-ah hmasawnna nasa tak hmuh a ni a, kumina Mizo film chhuak pawh a ṭhahnem hle. Mizo film khawvela a vawi khatna atan, khawvel pum huapa company lar, FUJIFILM X India nena ṭangkawpa BISP.FILMS siam, 'Mi Bo' chu peihfel a ni ta a, tlangzarh a ni thuai dawn.

'Mi Bo' film FUJIFILM company bungrua leh Film Simulation hmanga shoot a ni a, a film hmelhmang pawh nasa takin a danglam dawn. Shop At 13th dawrin an sponsor bawk. Director leh writer Raymond Colney chuan a film siam tawhah

'Mi Bo' hi a la danglam ber tih sawiin, mi zawng zawng huapzo tur chi, chhungkua a en theih tur, unau in hmangaihna hlutzia lantirna a nih thu a sawi.

Mizo Film Award 2024 neih zawh taka Best Actor lawmman dawngtu, Maruata Rawite leh Zoparmawii te chu a main character turte an ni.