Michael Jackson tape la tlangzarh loh hmu chhuak

California Highway Patrol office hlui, treasure hunter Gregg Musgrove chuan Van Nuys-a storage unit a lei aṭangin Michael Jackson tape, hla 12 awmna la tlangzarh loh a hmu chhuak. He storage unit hi music producer leh singer, Byran Loren hnen aṭanga a lei a ni.

Tape an hmuh chhuaha hla te hi Michael Jackson-a'n 'Dangerous' album a tih chhuah hma, kum 1989-1991 inkar vela a record a ni. A hla record zingah hian 'Don't Believe It' tih pawh a tel a, he hla hi hetih hunlai vela Jackson chanchin mawi loa thang chungchang a phuah chhan nia rin a ni. Hei bakah 'Seven Digits' a sawifiahna te pawh awmin, Jackson leh LL Cool J duet-na, 'Truth on Youth' pawh a tel bawk. Musgrove hian tape a hmuh chhuah hnu hian Jackson Estate pawh a be pawp a, mahse ownership an nei lo tiin an lo lei duh lo a, recording copyrights erawh estate in a nei tiin an sawi tung. Hei vang hian tape hi tlangzarh theih lohin a awm phah. Mahse Musgrove chuan auction house kaltlangin a tape hmuh chhuah hi lilam a tum a, seven digit vela hralh theih an inbeisei.