Game of the Year-ah 'Astro Bot' thlang

'Astro Bot' chu videogame industry award lian ber, The Game Awards-ah Game of the Year atan thlan a ni.

Game of the Year atan Team Asobi siam, colourful Playstation platformer hian Final Fantasy 7 Rebirth, Black Myth: Wukong, Metaphor: Refantazio Elden Ring: Shadow of the Erdtree leh Balatro te a khum. Astro Bot hian award dang pathum–Best Family Game, Best Action/Adventure leh Best Game Direction a dawng bawk.

Poker-themed Indie hit, Balatro chuan award pathum dawngin, heng zingah hian Best Mobile Game pawh a tel. Mipuite vote hmanga thlan, Player's Voice Award-ah Chinese legends based, Black Myth : Wukong chu thlan a ni. Hetih lai hian nomination pasarih hmutu, Final Fantasy VII : Rebirth chuan Best Music trophy chiah a dawng thung.

11th annual Games Awards hi December 12, 2024 khan Los Angeles-a Peacock Theatre-ah neih a ni a, award sem zan hian Snoop Dog leh Twenty One Pilot te an perform. Category 30-ah award hi sem a ni a, kuminah a ṭum khatna atan Game Changers Award telh a ni. He award hi Tencent Games director, Amir Satvat chuan a dawng a ni.