'Avengers: Doomsday'-ah Chris Evans a lo kir dawn

Chris Evans chu Marvel Cinematic Universe-ah a lo kir dawn a, ngaihven hlawh tak, 'Avengers : Doomsday' ah a inlan dawn. A role chan tur erawh an la sawichiang lo.

Steve Rogers/Captain America role hnehsawh taka changtu, Chris Evans hi MCU veteran star Robert Downey Jr nen film tharah hian kan hmu leh thei dawn a ni. Evans hi 'Deadpool & Wolverine' ah khan a inlan zuai bawk. 'Avengers : Doomsday' hi Russo Brothers in an direct dawn a, May 1, 2026 ah tih chhuah tum a ni. Hei bakah hian a sequel, 'Avengers : Secret Wars' pawh an direct dawn bawk. MCU-ah hian Captain America role hi Anthony Mackie-a'n chelh mek a, nakkum February 14 hian a channa, 'Captain America : Brave New World' pawh tih chhuah a ni dawn nghe nge. Hei vang hian Evans hian eng role nge a chan dawn tih hriat a chakawm tawh hle.