Zaninah 'Hmaikawr' a en theih dawn

Grind With God Production kut chhuak, Mizo film thar 'Hmaikawr' chu zanin dar 8-ahVanapa Hall-ah tlangzarh a ni dawn a, Lersia Play aṭangin en theiha chhawp chhuah a ni nghal ang.

'Hmaikawr' hi MS Chinzah ziah leh direct a ni a, ani hi 'Lalpa a ṭha' a changtu kha a ni a, 'Hmaikawr' hi a directorial debut a ni. A changtu lamah chauh ni lo, directing lamah pawh a chhuanawm viau. Director of photography hi Rintluanga niin, assisstant director Mali Hmar leh production manager Sangtei Renza a ni. Lersia Play chu co-producer a ni bawk.

He film-ah hian Zuala, Hriatpuia Kion, BZ-a, Mesty, Hruaia (Kunal), Chami leh Angaihi te an chang a, tleirawl leh ṭhalai lam en duh tur chi tak a ni ngei ang.