3rd Mizo Film Award 2024 : Best Film 'Thih leh Dam'

Entertainment Society of Mizoram (ESM) buatsaih, Mizo Film Award 2024 chu November 29, 2024 zan khan Dawrpui Multipurpose Hall-ah sem a ni. 'Thih leh Dam' film chu che ṭha berin Best Film atan thlan a ni a, hei bakah hian director Lalbiakvela chuan award dang pahnih - Best Director leh Best Screenwriter Award a dawng tel bawk.

Best Actor atan Maruata Rawite ( Kan Chhungkua) thlan niin, Best Actress-ah Sangsangi (Rini & Rina) thlan a ni bawk. Mipuite duh thlan, People's Choice Award chu In-House Production film, 'Kan Chhungkua' in a dawng a ni.

Kumin hi Mizo Film Award neih ṭum thumna a ni a, category 16-ah lawmman hi sem a ni. 'Thih leh Dam' chuan award pathum lain, Leitlangpui Pictures kutchhuak 'Hremhmun Shortcut' leh 'Ambush' chuan award pahnih ve ve an la. 'Kan Chhungkua' pawhin People's Choice Award bakah award pahnih a dawng bawk.

Dawrpui Multipurpose Hall-a award sem hi host Hruaitei'n kaihruaiin, khuallian minister of state Lalnghinglova Hmar a ni a. Tunlai zaithiam lar leh boruak nei lian tak tak, J. Lalrosanga, Mary Dawngi, Youngfella, Zothana & Zodini leh Rebecca Lallawmsangi te an perform bawk a ni.