Glastonbury 2025 legends slot-ah Rod Steward

Rock star Rod Steward chu khawvel huap music event lian, Glastonbury 2025 ah a perform dawn tih sawichian a ni ta. He festival-a a inlan hnuhnung ber chu kum 23 liam taah khan a ni.

Kum 79 mi ni tawh, Rod Steward hi best-selling artists of all time zinga mi niin, Glastonbury-a a perform tur puan a nih hma lawk hian nakkum kumtawp aṭang chuan mipui tam tham tak hmaah inlan a tum tawh loh thu a lo puang tawh bawk a ni. Glastonbury 2025 hi nakkum June 25-29 ah neih a ni dawn a, a inlan hun tur hi Pathianni tlaiah a ni. He hun hi festival chhunga mipui an tam ber ṭum a ni fo ṭhin a, event headline tur hian legend ruat an ni ṭhin. Kum 2002 khan Steward hi he festival-ah hian Coldplay leh Stereophonics te nen an lo inlan tawh bawk.