December 19-ah Beast Games show chhuak dawn

Khawvela YouTube suscriber ngah ber, MrBeast, a hming tak Jimmy Donaldson chuan reality games show, Beast Games a siam chu December 19-ah tih chhuah ani dawn tih a puang a, a teaser a ti chhuak nghal bawk.

Beast Games series hi Amazon Prime Video-ah pek chhuah a ni dawn a, Amazon chuan khawvela live game show lian ber tur a ni tih a sawi. He show-ah hian participant 1,000 awmin, lawmman pawisa fai USD mtd 5 chuhin an inel a ni. Kum 26 mi, MrBeast hian a show atan hian a theihtawp a chhuah a, show atan hian a hun pawh a hman nasat avangin a YouTube channel lam pawhin a tuar phah niin a sawi. Show host a nih bakah, MrBeast hi he series-a executive producer a ni nghal bawk. Teaser a tih chhuahah hian contestant 1000-te chu box chhungah awmin, helicopter aṭang an zuangthlaa lawnga an chuang laite a lang.