Zaninah Face of Escape Grand Finale

Keeway Benelli presents Face of Escape Grand Finale chu zanin hian neih a ni dawn a, lawmman pakhatna dawngtu hian Keeway SR 125 emaw, Rs nuai 1 emaw a dawng ang.

Face of Escape hi Mizoram designer Escape Engmoia buatsaih a ni a; runway mai ni lo, photoshoot leh a kaihhnawih hrang hrang atana model ṭha leh hman tlak chher chhuahna tura tih a ni. He intihsiaknaa tel tura inziak lut hi mi 100 chuang awmin, hnam dang ṭhahnem tak an tel. Reality show a nih angin live audition aṭanga mi 20 leh online audition aṭanga mi 7 thlan chhuahte chu Hotel Ransam, Ṭhuampuiah khawsain, intihsiakna hi an hmachhawn a ni. Rampwalk, photoshoot, emotion challenge, advertising, campaign shoot leh thil dang hmangin an inel. An zing aṭang hian finalist mi 5 thlang chhuakin, Grand Finale-ah hian an in el leh dawn a ni.

Grand Finale hi Aijal Club Park-ah zanin dar 5:30 - 6:30 ah neih a ni dawn a, winner hi puan nghal a ni ang. Zanina hun hmanah hian zaithiam lar - Latei Hringen, Project Wallflower, Feli Fanai leh Blue Corn te an inlan dawn a, LPS leh Youtube-ah Escape with us channel-ah en theihin pek a ni ang.