2024 Billboard Music Awards: K-pop star zingah Jungkook a langsar

Billboard Music Awards 2024 nomination tih chhuah a ni a, K-pop star zingah BTS member, Jungkook chu nomination hmu hnem ber niin paruk a hmu. Hengte hi K-pop caterogy-ah pali leh international category-ah pahnih a ni. Stray Kids chuan nomination pali an hmu vek bawk.

Kum 2023 aṭang khan Billboard Music Awards-ah hian K-pop category hi telh a ni a; Top Global K-pop Artist, Top K-pop Album, Top Global K-pop Song leh Top K-pop Touring Artist te thlan an ni. Jungkook hi heng category-ah hian a lan vek bakah international category, Top Selling Song-ah 'Standing Next to You' leh Top Song Sales Artist category-ah a lang bawk.

Stray Kids hi Top Duo/Group-ah an lang ve bawk a, Coldplay, Linkin Park, blink-182 leh Fuerza Regida te nen an in el dawn.

2024 Billboard Music Awards hi December 12 hian sem a ni dawn a,actress leh comedian Michelle Buteau-i'n a host dawn a ni.