Mizo Film Award 2024 a hnai ta

Entertainment Society of Mizoram (ESM) buatsaih, Mizo Film Award 2024 chu November 29, 2024 hian Dawrpui Multipurpose Hall-ah sem a ni dawn a, award sem zana zaithiam perform turte pawh tih chian a ni ta.

Tun laia artist lar leh boruak nei lian tak takte an che dawn a, Youngfella, Mary Dawngi, J. Lalrosanga, Rebecca Lallawmsangi, Zothana leh Zodini te che tla kan hmu thei dawn a ni.

ESM hi Mizo film industry tih changtlunna kawnga hma la tu niin, Mizo Film Award hi ṭum thum a semna tur a ni. Kuminah an hma laknain Film Fest neih a lo ni tawh bawk. Mizo Film Award 2024 hian September, 2023 leh October, 2024 inkara Mizo film chhuakte a huam dawn a, hemi chhung hian film hi 30 chuang zet a chhuak a ni. Mizo Film Award 2024 hi Zonet leh Tlau Entertainment YouTube channel-ah live-a pek chhuah a ni dawn. A hmunah hian a duh tan chhim theih a ni dawn a, ticket siam a ni lo ang.