33rd Lelte Awards 2024 : Award 3 dawng thei Jonathan Lianhna, Lilac leh Youngfella

Lelte Weekly buatsaih, 33rd Lelte Awards 2024 chu November 22 leh 23 zan khan Dawrpui Multipurpose Hall-ah sem a ni. Jonathan Lianhna, Lilac leh Youngfella te chuan award pathum ṭheuh an hum haw a, Lalduhsaki'n award pahnih a dawng.

Jonathan Lianhna hian Gospel-ah singer of the year (male), composer of the year bakah music video of the year award a dawng. Youngfella hian Lengzem lamah Rap artiste of the year, Artiste of the year bakah Mary Dawngi nen Duo of the year award an dawng bawk. Lilac hian Lengzemah singer of the year(female), composer of the year bakah, a band Lilac &Jack nen band of the year award an dawng bawk a ni.

Mizo rimawi khawvel tana thawh hlawk mi pahnih hnenah award ngaihhlut hlawh tak, lifetime achievement award hlan niin, Gospel caterogy-ah K. Lalthanzama leh Lengzem category-ah Ngurthangvela te hlan an ni. Sailo Nu leh Biaka Shoute chu Special award hlan an ni bawk.

Zoramchhani hnenah Artiste of the decade award hlan a ni. Lengzemah singer of the year (male) ah H.O.M thlan a ni a, Gospel-ah singer of the year (female) chu Lalduhsaki'n a dawng a ni.