CR7 leh MrBeast-ten collab video siam

Icon pahnih,Cristiano Ronaldo leh YouTuber Mr Beast (Jimmy Donaldson) chuan collab video siamin, Ronaldo YouTube channel, UR. Cristiano-ah November 21, 2024 ah tih chhuah a ni a, November 30, 2024 hian MrBeast channel-ah an inlan ve leh thung ang.

CR7 YouTube-a “I have the biggest video ever planned" tih video hian minute 30 chungin view million 1 nei hmanin, darkar 18-ah view mtd 17 a nei. Mahse internet record erawh an siam thei ta lo. YouTube-a darkar 24 chhunga view ngah ber, 90 million view nei thei Grand Theft Auto VI trailer chu an pha lo hle. MrBeast hi YouTuber zingah follower ngah ber niin, subscriber mtd 331 a nei mek a, hetih lai hian CR7 hi social media-a khawvela follower ngah ber niin, social media platform hrang hranga follower a neih hi tluklehdingawn a tling a ni. YouTube-ah hian suscriber mtd 67 nei tawhin, darkar 24 chhungin subscriber mtd 20 a nei tling a, darkar 24 chhunga subscriber nei tam ber record a lo siam tawh a ni.