"You Quiz On The Block"-ah Rosé

Blackpink member, Rosé chu tvN show, 'You Quiz on the Block!' ah a inlan dawn a, Blackpink member zinga he show-a inlan hmasa ber a ni ang.

Production team chuan Rosé inlan tur hi sawi chiang tawhin, shooting pawh an zo tawh tih a sawi. 'You Quiz on the Block' hi KST-a Nilaini zan apiangin an ti chhuak a ni. Rosé hi host Yoo Jae Suk leh Cho Sae Ho te nen an rawn lang dawn a ni. Rosé hian Bruno Mars nena an zai dunna, 'APT' chu a hlawhtlinpui hle. Music video a tih chhuah aṭanga ni 22-ah view mtd 300 a nei tling hman a, kum 11 chhunga K-pop solo artist zingah view mtd 300 nei rang ber a ni. He hla hi US Spotify chart leh region 40-a iTunes chart-ah No 1 an nihpui thei bawk.