2024 Booker Prize dawngtu British author Samantha Harvey

British author, Samantha Harvey chuan a novel, 'Orbital' hmangin 2024 Booker Prize award a dawng. 'Orbital' hi space chungchang ziahna lehkhabu zinga he award dawng thei hmasa ber a ni.

Harvey hi kum 2019 hnuah hmeichhe zinga Booker Prize award dawng leh hmasa ber a ni a, a novel hi UK-ah biggest selling book niin, a hmaa Booker Prize lo dawng tawh pathum hralh chhuah belhkhawm aiin a hralh hnem tawh zawk a ni. Lawmmanah hian pawisa fai, £50,000 a dawng. Phek 136-a chhah, 'Orbital' hi Harvey novel pangana a ni a, he lehkhabuah hian ni khata thil thleng, Internatioal Space Station-ah astronaut parukte thil tawn chungchang leh van lam chanchin tarlan a ni. Booker Prize dawng thei zingah thawnthu tawi ber dawttu niin, a tawi ber chu kum 1979-a dawngtu, Penelope Fitzgerald novel 'Offshore' niin phek 132 a ni.