2024 Sexiest Man Alive-ah John Krasinski

People magazine chuan 2024-a mihring dam lai zinga mipa sexy ber, Sexiest Man Alive-ah American actor leh filmmaker, John Krasinski a thlang.

Stephen Colbert chuan US huna November 12 zana The Late Show with Stephen Colbert neihnaah 2024 Sexiest Man Alive atan kum 45 mi, John Krasinski thlan a nih thu hi a puang. Krasinski hi actress Emily Blunt pasal niin kum 14 an innei tawh a, fanu pahnih - Hazel (10) leh Violet (8) an nei a, Brooklyn-ah an cheng mek a ni. Hollywood-a filmmaker hlawhtling ber zinga mi niin, box office hit 'IF' kha a produce leh direct bakah a ziah niin, a chang bawk. Hei bakah hian a nupui channa, 'A Quiet Place' leh 'A Quiet Place Part II' pawh a direct bawk. Sexiest Man Alive atan hian Patrick Dempsey, Paul Rudd, Idris Elba, Channing Tatum, Hugh Jackman leh Ryan Reynolds te pawh thlan an lo ni tawh a ni.