Praise On 2024 Top 5-te Nov 21 ah intihsiak dawn

CKṬP leh Synfo buatsaih mal zai intihsiakna, Praise on 2024 pawh a hmawrbawk a hnai chho zel. November 7 & 8 zan khan Top 10 intihsiakna chu Dawrpui Kohhran Hall-ah neih niin, an zing aṭang hian a thiam zual panga thlan chhuah an ni.

Praise on 2024 Top 5 thlan chhuahte hian November 21 zanah Dawrpui Kohhran Hall-ah bawk intihsiakna hi an nei leh ang. Hla pahnih ṭheuh an sa dawn a, mahni hla sak duh ber leh, judge-te hla thlan chhuah sa sain, live music-a zai rem tur a ni ang. November 22, 2024 zanah Grand Finale hi neih a ni dawn a, hemi zan hian result puan leh lawmman semna hun hman a ni ang. Lawmman pakhatna hian Rs 1,20,000, pahnihnain Rs 70,000 leh pathumnain Rs 50,000 an dawng dawn a, Top 5-a tling dangten Rs 15,000 ve ve leh Top 10-a tlingten Rs 10,000 ṭheuh an dawng bawk ang.

Judge-te hi Upa F. Lalthanmawia, Bungkawn; R. Lalrinmawii (Arini), Leitan leh Michael Lalneihtluanga, Mission Veng te an ni.