Vanapa Hall-ah 'Call Girl'

The Friday Show kutchuak hmasa ber, 'Call Girl' film chu zanin hian Vanapa Hall-ah tlangzarh a ni dawn a, a duh apiang en theih tura ruahman a ni. Zaninah vek Lersia Play-ah chhawp chhuah a ni bawk ang.

'Call Girl' hi Champhai, Khawhai leh Zokhawthar lamah shooting neih a ni a, Aizawl-ah pawh scene eng emaw zat shoot a ni. Shooting an neih lai hian harsatna eng emaw zat an tawk a, tlaivara hun an hman chang a awm fo tih an Director chuan a sawi. Call Girl a nih angin Aizawl khawpui chhung boruak thenkhat tarlan a ngai a, zan rei tak tak an men chang a awm fo thin. Chung hunah chuan shooting nei thei mang lo a, call girl tak takte chet tlatna hmunah an intawn changte pawh a awm a ni.

He film-ah hian lemchan lama hriat hlawh ni chho mek, Msi Hmar bakah Makima leh Duhawma Hmar te kan hmu dawn a, sulhnu ṭha tak nei an nih hlawm avangin en a manhla dawn hle. Rebecca Lallawmsangi leh Rapper lesky te pawh an inlan bawk.