Feli Fanai MV thar a chhuak e

Mizo hmeichhe lengzem artist lar ber zinga mi, Feli Fanai chu hun eng emaw chen rimawi lama a thawm a reh hnuah a rawn comeback leh ta. Nizan khan a hla thar, 'Ka entir ang che' music video chu a YouTube channel-ah ti chhuakin, hei hi kum li hnua single video a tih chhuah lehna hmasa ber a ni.

'Ka entir ang che' tih hi Lal Ka Sailo phuah a ni a, recording hi Princeton-ah tiin, music video hi Moonshine leh BS Pictures kutchhuak a ni. Hmeichhe lengzem artist zinga thawm nei lian leh sawm hlawh ber zinga mi ni reng ṭhin, hla hit pawh eng emaw zat nei Feli Fanai rawn comeback-na hla hi a mawiin, a video pawh a hmuhnawm lehpek hle. Hla dang pawh a rawn nei chho zel turah beisei ang.