Exposè 2024 a hlawhtling

Mizo Niftian Association buatsaih, Exposè 2024 chu October 29 khan hlawhtling taka neih a ni a, he hun hi breast cancer awareness campaign neihna atan an hmang nghal.

Exposè hi 2016 leh 2017 khan an lo buatsaih tawh a, Dr Jerry kaltlangin Mizoram State Cancer Institute nen an thawk dun ṭhin. Kuminah hian a vawikhatna atan live show neih a ni a, hnute cancer dam lehte, survivor-te pawh telin show-ah an tawrh dante tih lan a ni. Cancer survivor zinga mi, Dr Lalduhawmi chuan a testimony a sawi bawk. An focus ber chu Mizorama breast cancer enkawl mekte niin, he show-a survior inlante pawh hi Mizoram State Cancer Institute-a enkawl chhuahte vek an ni.

Mizo Niftian Association tum ber chu fashion hi eizawnna tlak a ni tih lantir a, quality standard ṭha, khawvel nen inmil quality promote bakah, fashion lama eizawng model-te promote bakah model thar tan platform an siamsak bawk ṭhin. Exposè 2024-ah hian designer 10 te kut chhuak pho lan a ni. Tuna an pawl hruaitute chu President Susan R. Ralte niin, treasurer Lalrinsangi leh secretary Barnadean Zomuanpuii te an ni.