Corz Darkhuang Acoustic Beat Contest zo ta: Pakhatna Second Wind band

Chanmari Branch YMA buatsaih Corz Darkhuang Acoustic Beat Contest 2024 chu November 1, Zirtawpni zan khan Chanmari YMA hall-ah result puangin zawh fel a ni ta. Second Wind band chu pakhatna niin lawmmanah pawisai fai Rs.1,00,000 leh trophy an dawng. C. Malsawmkima, Second Wind zaitupa chuan best musician lawmman a la a, Rs.5,000 leh trophy a dawng.

Zohnahtlak a duh apiangte tel theih he beat contest hi October 28 ah ṭan niin band 9 an tel a, October 31 zanah Top 5 ten final intihsiakna an nei. November 1, Zirtawpni zanah result puan niin top 5 band te an zai leh a ni.

Beat contest endiktute hi Zohmingthanga (Hmingpuia- Albatross) Zarkawt, HS Lalruatliana (Booma- Boomarang) Chanmari, Peter Zohmingthanga, Chanmari leh Zothanmawia (Mystique) Khatla te an ni.