'Scary Movie' franchise-ah Wayan unau bawk

'Scary Movie' franchise chu kum sawm hnih hnuah an rawn chhunzawm leh dawn a, Wayans unau - Marlon leh Shawn Wayans te kan hmu leh thei dawn.

Horror-comedy 'Scary Movie' film franchise hi Marlon Wayans, shawn Wayans leh Keenen Ivory Wayans te siam niin, a film hmasa pahnihte chu Keenen Ivory Wayans ziah leh direct a ni. Marlon Wayans leh Shawn Wayans-te hi heng film pahnihah hian co-writer niin an chang bawk a ni. Scary Movie series hian a hlawhtlinpui hle a, movie panga aṭangin USD mtd 896 a la lut a ni. Kum 2000-a chhuak 'Scary Movie' kha R-rated horror movie sum la lut tam zingah a tel pha a, tlangzarh karah USD mtd 42.5 a la lut thei a ni. Movie pahnihna an siam hnuah Wayans unau hian an duhdan a in an loh avangin a siam chhunzawm hna hi comedy legend, David Zucker kutah an hlan a, mahse Wayans unau kut chhuak chu a tluk pha chiah lo.