MGI 2024-ah India aiawhtu Rachel Gupta: Miss Myanmar chet danin sawisel zui hlawh

Khawvel huap beauty pageant buatsaih ṭhin zinga Miss World leh Miss Universe dawttua ngaih, Miss Grand International (MGI) 2024 neih zawh takah India ram aiawhtu, kum 20 mi Rachel Gupta chu Miss Grand International 2024 atan thlan niin India mi zinga he dinhmun thleng thei hmasa ber a ni.

MGI 2024 finale hi October 25, 2024, Zirtawpni zan khan Banglok, Thailand-a MGI Hall, Bravo BKK Mall-ah neih a ni a, ram 70 chuang aiawhte an in el.

Rachel Gupta hi Jaipur, Punjab-a cheng niin, Grand Pageants Choice Award a dawng bawk. Kum 2022 khan ‘Miss Super Talent of the World’ atan thlan a lo ni tawh bawk a ni.

1st runner up-ah Miss Philippins CJ Opiaza thlan a ni a, 2nd runner up-a Miss Myanmar Thae Su Nyein thlan a ni. France aiawh Safietou Kebengele chu 3rd runner pui niin,Miss Brazil Talita Hartmanna chu 4th runner up ah thlan a ni bawk.

Miss Myanmar Thae Su Nyein hi second runner up-a thlan ni hi a lawm lo hle a, Miss Grand International (MGI) 2024 crown coronation zawh hnuah a ṭap a, hei bakah Myanmar national direcotr chuan a crown leh sash te a lo pawhthlak sak zui bawk. Coronation zawhah photo shoot neihah pawh Miss Myanmar hi a tel zui tawh lo a,internet lamah dem leh sawisel an tawk zui nasa hle. Miss Myanmar hian Miss Beauty Skin leh I’Aura Queen special award a dawng bawk a ni.