Christopher Nolan movie thara chang turin Tom Holland be mek

'Oppenheimer' film hlawhtling taka siamtu, Christopher Nolan chuan a feature film thar siam tura chang turin Tom Holland a be mek niin, Matt Damon chu a be fel tawh nia sawi a ni.

Nolan hian a film tharah hian "Oppenheimer'-a a thawhpui, Universal Pictures bawk a thawhpui leh dawn a ni. He film hian USD mtd 976 zet a la lut a ni. Film thar a siam tur hi a plot pawh sawilan a la ni lo a, mahse a film hi tuna kan hun tawn mek lam ni loin, hun liam tawh emaw, hun lo la thleng tur lam emaw zawk tih erawh sawi a ni.Nolan hian a direct bakah script pawh a ziak dawn a ni, kum 2026 July 17-a tih chhuah an tum.