LBS Suzuki Youth Icon 2024 : Boruak nei lian J. Lalrosanga a tla

LBS Suzuki Youth Icon 2024 neih mekah boruak nei lian, kuminYouth Icon in ngaihven a hlawhna chhan pakhat, Tuidam tlangval J. Lalrosanga chu Top 4 a inhlangkai zo ta lo. October 15, Thawhlehni zana Top 4 result puanah Rsa leh Samson Lalhunruata, Champhai Kanan te chu an tla a ni.

J. Lalrosanga hian First Round intihsiakna aṭangin boruak a rawn nei lian nghal a, a zaithiam leh a aw pa tak mai avangin ṭantu a ngah a, amah ṭantu WhatsApp group pawh 10 chuang zet a awm hman. Heng group-te hian a pualin pawisate an thawhkhawm a, mahse Rsa hian an sum thawhkhawm hi Muanna In tan a hlan vek.

Top 4-ah hian Lalbiakkima Hnamte, Thentlang; Ramengmawia, Meidum; Lalsangliana, Bawktlang leh Peter Lalnunpuia, College Veng te an la tling a, zaninah an zing aṭang hian pakhat tlain Top 3 thlan chhuah an ni dawn a, a thiam zual pathum thlan chhuahte hian Youth Icon 2024 inchuhin an intihsiak chhunzawm leh nghal dawn a ni.

Grand Finale hi October 19, Inrinni zanah LPS Arena-ah ropui taka neih a ni dawn. A hmunah mipui tan a chhim leh theih ang.

Youth Icon 2024 pakhatna hian lawmmanah trophy leh pawisa fai Rs nuai 2 a dawng dawn a, pahnihnain Rs nuai 1 leh pathumnain Rs 70,000 a dawng ang. Top 10-a tlingte hian Rs 10,000 ṭheuh an dawng dawn bawk a ni. LBS Suzuki, Bawngkawng chu title sponsor niin, Hom Furniture Bawngkawn leh Sailo Agencies Home Appliances, Ramhlun South in an sponsor bawk a ni.