Billboard 200: No 1-ah Sabrina Carpenter "Short n' Sweet" a rawn kir

American singer, Sabrina Carpenter album thar, "Short n' Sweet" chu No 3-a a tlak thlak hnuin, Billboard 200 album chart tharah No 1-ah a rawn kir leh ta. A zawn loin kar li chhung No 1 ah a awm ta a ni.

Kar liam ta khan '"Short n' Sweet" hian United States-ah equivalent album unit 100,000 neiin, album sales hi 14,000 a tling a, he album-a hla 12-te chuan on-demand official stream mtd 114.24 an nei bawk. He album hi Carpenter studio album parukna niin, August 23, 2024 khan a ti chhuak a ni. Pop album niin, a hlate hi country, disco, rock leh R&B influence a ni a, music critics lam pawhin an fak viau.

Chappell Roan "The Rise and Fall of a Midwest Princess" chu a kar lina atan No 2-ah a awm chhunzawm zel a, equivalent album unit 63,000 a nei. Future "Mixtape Pluto" chu a kar hnihnaah No 1 aṭangin No 3 ah a tla thla nghal a, equivalent album unit 55,000 a nei. No 4-ah Morgan Wallen "One Thing at a Time" a rawn chho a, Billie Eilish "Hit Me Hard and Soft" pawh No 8 aṭangin No 5 ah invawrh chhuak bawk a ni.