Jungkook-a'n Super Bowl Halftime show-a sawmna hnar

BTS member Jungkook chuan 2024 Super Bowl Halftime Show-a perform tura sawmna a hnar nia sawi a ni a, hei hi military duty a neih vang a ni.

The New Yorker Magazine-in a tarlan danin, 2024 Super Bowl Halftime Show headline tur, Usher chuan Jungkook hi perform pui turin a sawm a, mahse a hman thei dawn ta lo a ni. Jungkook leh Usher hi a hma pawhin an lo thawk dun tawh a, 'Standing Next To You remix' siamin an album-ah pawh an dah ve ve a ni. Jungkook hi an ram danin a phut angin mandatory military service a nei mek a; Yeoncheon, Gyeonggi Province-a 5th Infantry Division-ah a bandmate, Jimin nen kar nga chhung basic military training an zawh hnuin, tunah hian sipaiah hian cook angin a awm mek nia sawi a ni. Nakkum June thlaah military service hi a zo ang.