Unicef-in Naomi Campbell charity lakah complaint theh lut

Naomi Campbell charity, Fashion for Relief chuan global children charity, Unicef a thawhpui nia a sawi chungchangah Unicef chuan watchdog-ah report thehlutin, Fashion for Relief chu an thawhpui ngai lo tih a sawi. Campbel chuan Unicef leh Unicef UK-ah role leh title engmah a chelh loh thu an sawi.

Fashion for Relief in kum 2019-a Unicef tana sum tuakna tur nia sawi event hrang hrang a buatsaih aṭangin sum engmah an hmuh loh thu Unicef UK chuan a sawi bawk. Kar liam ta khan supermodel, Naomi Campbell hi a charity kaltlanga sum an hmuhte luxury hotel-a thlen leh spa treatment lakna atana a hmang tih hriat chhuah a nih hnuah Fashion for Relief hi charity register a nihna aṭangin paih a ni a, Campbell pawh kum nga chhung charity kaihhawiha a inrawlh khap a ni zui bawk.