LBS Suzuki Youth Icon 2024 : Top 10 an hriat ta, Oct 7-ah Top 10 intihsiak ṭan dawn

LBS Suzuki Youth Icon 2024 neih mekah a thiam zual 10 te hriat an ni ta. Top 10 intihsiakna hi October 7 aṭangin LPS Arena, Falkland-ah neih a ni tawh dawn a, mipui tan chhim theih a ni tawh dawn a ni.

Top 10-te hian zan hnih intihsiakna hmachhawnin, zan khat chu an hla duhzawng hmangin an inel dawn a, zan khat dang chu CFL Hmingthanga night niin, a hla hmangin an intihsiak thung ang. Top 10 aṭang hian pakhat te tein an tla tawh dawn a ni. Top 5 chinah The Beatles Night hman a ni dawn bawk. October 19 zanah Grand Finale neih a ni ang.

Youth Icon Top 10-te hian mentor an nei vek tawh dawn a, an mentor-te hian contestant an kaihhruai turte hi an pawt a ni. Zai zir, hla thlan leh soundtrack chungchang pawh mentor-te hian an buaipui ang. Mentor atana ruatte chu Thangboiha, Tluanga Hnamte, Kima Chhangte leh Peka te an ni.

Kumin Youth Icon intihsiaknaa judge-te hi Rosy K Remsangpui, Victor Vanlalhruaia leh Andrew Laltlankima te an ni.