IIFA 2024 Awards: Best Actor-ah Shah Rukh Khan leh Rani Mukherji

International Indian Film Academy (IIFA) 2024 Awards ni hnihna chu Inrinni, September 28 zan khan Abu Dhabi-a neih a ni a, he hunah hian Indian film industry-a mi langsar tak takte an tel ṭha hle.

Shah Rukh Khan chuan Jawan film aṭangin Best Actor award (male) a dawng a, Rani Mukherji chuan Mrs. Chatterjee vs. Norway film hmangin Best Actor award (female) a dawng bawk. Best Film chu Ranbir Kapoor channa, 'Animal' in a dawng a ni.

Show hi Shah Rukh Khan, Vicky Kausal leh Karan Johar ten an host a, Karan Johar hi film industry-a kum 25 a awm tlin lawmna pualin chawimawina hlan a ni bawk.

Ni thum awh IIFA Awards hi September 27 aṭang khan neih niin, a ni khatna hi southern film industry - Tamil, Telugu, Malayalam leh Kannada film te puala buatsaih a ni. A ni hnihna hi Hindi film pual niin, a kharna hi nimin, September 29 hi music industry pual a ni a, sawm bikte tan IIFA Rocks event neih a ni a, Honey Singh, Shilpa Rao leh musical trio Shankar-Ehsaan-Loy chu an perform.

Kumin hian IIFA Awads hi a ṭum thumna atan Abu Dhabi-a Yas Island-a neih a ni.