Billboard 200: No 1-ah Travis Scott mixtape a rawn lang ta

Travis Scott (II) 2014 mixtape, 'Days Before Rodeo' chu kum 10 hnuah Billboard 200 album chart-ah No 1 ah langin, kar li chhung a zawna a chung ber dinhmun lo hauhtu, Sabrina Carpenter a rawn luahlan.

Hip-hop artist mixtape hian kar liam ta chhungin US-ah equivalent album unit 156,000 a nei a, traditional album sales 150,000 nei bawkin, rap album zingah kar khatah vinyl hralhchhuah tam ber a ni. Kum 1991 aṭanga Luminate-in tracking sales record a chhinchhiah hnua all-genre a kar khat chhung vinyl hralh chhuah tam parukna a ni pha bawk.

Mixtape original hi kum 2014 daih tawha tih chhuah kha a ni a, mahse a free-a share theiha dah chhuah a ni lo a, hei vang hian Billboard chart in a huam lo a ni. Tlangzarh a nih aṭang kum 10 hnuah Scott hian a vawi khatna atan download store leh streaming platform-ahte a dah chhuak a, chart-ah a rawn lang ta nghal a ni.

Sabrina Carpenter 'Short n' Sweet' chu No 2-ah a tla thla a, equivalent album unit 108,000 a nei. No 3-ah Chappel Roan 'The Rise and Fall of a Midwest Princess' chuan equivalent album unit 64,000 neiin No 3-ah ala ding nghet thung. Post Malone 'F-1 Trillion' chu No 2 aṭangin No 4 ah a tla hniam bawk.