Miss Universe India 2024 Rhea Singha Miss Popular-ah Roneihpuii

Miss Universe India 2024 grand finale chu Pathianni, September 22, 2024 zan khan Jaipur, Rajasthan-a Zee Studio-ah neih a ni a, Miss Universe India 2024 atan Rhea Singha, Gujarat chu thlan a ni. Mizoram aiawhtu, Roneihpuii chu Miss Popular-ah thlan a ni a, Top 20 ah a tling bawk a ni.

Tun ṭum hi Glamanand Group hnuaia Miss Universe India pageant buatsaih ṭum khatna a ni a, state aiawh 31, wildcard entry 14 leh NRI delegate 6, an vaiin contestant 51 an awm. Winner Rhea Singha hi kum 18 mi niin wildcard entry-a tel a ni a, November 16, 2024-a Mexico-a Miss Universe 2024 thlanna neih turah India ai a awh ang. Kum 2023 khan Miss Teen Earth-ah thlan lo ni tawhin, Teen Universe 2023-ah India ai awhin Top 6-ah a lang a, 'Miss Interview' title a la bawk.

Miss Universe India 2024 1st Runner-Up ah Pranjal Priya, Maharashtra state aiawh leh 2nd Runner-Up ah Chhavi Verg, New Jersey (NRI delegate) te thlan an ni.