Guiness World Records-ah Chiranjeevi

Indian actor, Chiranjeevi chu Indian film industry-a actor/dance category-a inlan hnem ber niin Guiness World Records-ah ziah luh a ni a, Pathianni khan Hyderabad-ah Guinness World Records certificate hi hlan a ni.

Megastar Chiranjeevi hi kum 45 chhungin a film 156-ah hla 537-ah dance move 24,000 zet a lantir nia sawi a ni. A film channa langsar zingah hian "Rudra Veena", "Indra", "Tagore", "Swayam Krushi", "Sye Raa Narasimha Reddy", "Stalin" leh "Gang Leader" te an tel. Kumin May thla khan Indian cinema tana a thawh hlawk avangin civil mi hnena chawimawina pek thin zinga a sang ber dawttu, Padma Vibhushan hlan a ni a, kum 2006 khan Padma Bhushan hlan a lo ni

tawh bawk.