Coldplay concert neihna tur bula 5 star Hotel book khat vek

British rock band, Coldplay in nakkum January thlaa Mumbai-a concert an neihna tur ticket, Pathiannia hralh chhuah chu zawrh chhuah a nih aṭanga darkar reiloteah hralh zawh a ni a, hei chauh hi ni lovin concert an neihna tur, DIY Patil Stadium bula 5 star hotel room pawh an book khat nghal.

Courtyard by Marriott Hotel hi DIY Patil Stadium bul maia awm niin room ṭhenkhat aṭang phei chuan stadium pawh hi chiang takin a hmuh theih a ni. Coldplay fan-te chuan room hi an lo book fel leh diam tawh a ni. He Park Navi Mumbai-ah pawh room an book nasa hle a, December leh January atana room luah man pawh a inthlau tawh hle a ni.