Ṭhazual Lengzem: Mendal 'An thleng pha lo' tluk an awm lo

Tunlai mipa lengzem artist zinga thawm nei lian, Mendal chuan ama hla phuah, 'An thleng pha lo' tih chu Khiangte Construction Ṭhazual Lengzem chart tharah pakhatna a

nihpui.

'An thleng pha lo' tih hi July 31, 2024 kha Mendal chuan a YouTube channel-ah dah chhuakin, music& recording hi Smiley kutchhuak a ni a, video hi B Lego Pictures siam a ni. Chart hmasaah khan No 4 ah langin, a hla a nalhin a satuin a thiam bawk a, a video en a nuam bawk nen, thlir leh ngaihthlak a hlawh a, chart chung ber dinhmunah a rawn inhlangkai ta a ni.

Rinfeli Khiangte pawhin, 'Duh te'n ka chawi' tih chu hma rawn sawnpui zelin, No 2-ah a rawn lang ta bawk. He hla hi ama phuah bawk niin, recording hi Kings& Prophet-ah a ti a, mixing & mastering hi Drew Records kut chhuak a ni thung. NO 3-ah Mizo folk singer kan neih ṭhat, Marina Vanhriatpuii Varte 'Aitenawn Par' a lang. Smiley 'A dang lo' leh Zothana ft Zodini 'Kumtluang' te chu Top 5 ah an lang bawk.

Chart-ah rawn lang thar an awm nual a, ngaihven hlawh tak Latei Hringngen X CT Tluangtea, hun rei tak a reh hnua hla thar rawn ti chhuak Siampuii Ralte bakah Smiley X Hex Da Marshall, HT Lalthanzami leh Zualbawhi te an rawn lang thar a ni.