'Thangfenpa Bawp (Thuruk Thuhruk)' en ang aw

Mizo zinga fiamthu film ti chhuak ṭhin tlemte zinga mi, Rinkson Squad chuan movie thar, ‘Thangfenpa Bawp(Thuruk Thuhruk)’ chu zanin dar 8:00 aṭangin Lersia Play-ah lei theihin an chhawp chhuak dawn ta.

He movie hi Rinkson Squad Movie tihchhuah 5 na tur a ni. Thangfenpa Bawp hma ah hian Runmawi lamah Master Hranga leh Inspector Arina an lo ti chhuak tawh a, Lersia Play lamah Archangkawm 1&2 te hlawhtling takin an lo ti chhuak tawh bawk.

'Thangfenpa Bawp' hi The Adventure of Lalnuna leh Lalmuana Movie puitlingah chuan a hnuhnung ber a ni tawh ang. Hei bak hi chu The Adventure of Lalnuna leh Lalmuana bik hi a movie-a tih chhuah an tum tawh lo. Mahse, Youtube lamah erawh Lalnuna leh Lalmuana hi chu chhunzawm zel a la ni dawn thung. 'Thangfenpa Bawp' movie hi Mastea Rinkson in a ziah leh a direct a ni a,he movie-ah hian kan hmelhriat sa Lalnuna leh Lalmuana atan Mastea leh Bta te an chang leh a ni. Hei bakah hian Lal Pa Hmuna (Hmunmawia) Ring Gundai (Vanlalpeki) leh Officiala (Ramhluna) te bakah Engzuali te pawh an in lan leh bawk. Movie premier hi neih hran a ni dawn lo a, Lersia Play-ah chhawp chhuah a ni tawh ang. Rinkson Squad- te hian tunah hian ‘THE LOST ARMY’, rambuai lai behchhan fiamthu film chu an buaipui leh mek a, October thla tawp lamah tihchhuah hman an in beisei.