Deepika leh Ranveer-ten fanu an nei

Bollywood star, Deepika Padukone leh Ranveer Singh-te chuan nimin khan an fa hmasa ber atan fanu an nei ta niin report hrang hrang chuan a tarlang. Naute hi Mumbai-a HN Reliance Hospital-ah an nei a ni.

Deepika leh Ranveer hi kum 2013 aṭanga inkawpin, mahse inneihni an tihfel thlengin an inkawp thu hi an media lamah an zep a ni. Kum 2018 khan Lake Como, Italy-ah an innei a, kumin February thla khan an nupa hian naute an neih tur thu puangin, 'September 2024' tiin an lo post tawh a ni. An nupa hian film hmachhawp pawh an nei nual a, Deepika hian Kalki sequel bakh, cop drama Singham Again chan tur a nei a,hei vang hian nau neih chawlh pawh a nei rei lutuk lo mai thei. Ranveer pawh Aditya Dhar-a action leh crime drama Don 3-ah a chang dawn bawk a ni.