Linkin Park-in vocalist thar nen world tour nei dawn

US rock band Linkin Park chuan an frontman, Chester Bennington a boral aṭanga kum sarih hnuah vocalist thar an nei ta. An vocalist thar nen hian album thar tichhuakin, world tour pawh neih an tum bawk.

Kar liam taa live-stream event-ah Linkin Park hian an vocalist thar Emily Amstrong an rawn hmelhriattir a, songwriter leh producer Colin Brittain chu drummer thar a ni dawn bawk. An vocalist thar, Emily hi rock band Dead Sara member ṭhin a ni. Linkin Park hian an studio album pariatna tur, 'From Zero' chu November 15 hian an ti chhuak dawn a, he album-a an lead single, 'The Emptiness Machine' chu Ningani khan an tlanzarh nghal bawk a ni. September 11 aṭangin music tour hi an ṭan dawn a, Inglewood-a Kia Forum-ah ṭanin, New York, Hamburg, Germany, London, Seoul leh Bogota-ahte an nei dawn a ni.