Instanbul-ah Escape Engmoia kutchhuak pho lang; Model sawm zingah Nunui Rualhleng a tel

North East Institute of Fashion Technology (NEIFT) buatsaihin 19th North East India Festival chu Turkey khawpui lian, Instanbul-ah September 6,2024 khan neih a ni a, he hunah hian sawm a nih angin Mizo designer lar, Escape Engmoia kutchhuak pawh pho lan a ni.

Festival hi Instanbul Metropolitan Municipality-ah neiin, Instanbul-a Consulate General an thawhpui bakah, sorkar laipui textile ministry leh hmarchhak state sorkar hrang hrangte an puibawm bawk. He festival-ah hian hmarchhak bial aṭangin designer, model leh folk artist member 54 awmna an thawk chhuak a, pavillion siam niin, cultural program leh fashion show te buatsaih a ni. Cultural programme-a tel tur hian Mizoram sorkar chuan Art and Cultura Department kaltlangin cheraw kan turin mi 12 an kal ve bawk.

Fashion show neih turah hian hmarchhak state aṭang hian designer lar pakuate an kut chhuak pho chhuak tura sawm niin, an zingah Escape Engmoia hi a tel a ni. Escape Engmoia hian NEHHDC sponsor-in June 1-3 chhung Paris exibition-ah a kal a, Mizoram a represent a ni. August 19 khan Mumbai-a Mizoram horticulture department buatsaih Pineapple Festival-ah show a lo nei tawh bawk a ni.

Kumin festival-a sawm bik zingah hian Escape Engmoia bakah model aṭangin Nunui Rualhleng pawh sawm a ni a, anni pahnih hi an kal lam leh haw lam senso chu organiser lamin an tumsak vek a ni.