Creative Arts Emmys 2024: Oscars-in award ngaihhlut a la

76th Primetime Creative Arts Emmy Awards chu September 7, 2024 zan khan Los Angeles-a Peacock Theatre-ah sem a ni. Award ngaihhlut, outstanding variety special (live) chu Oscars 2024 edition in a la. Kum 1979 leh 1988 khan he award hi a lo dawng tawh bawk.

Jimmy Kimmel chuan a vawi lina atan awards sem hi a host leh a, executive producer te chu Raj Kapoor, Molly McNearney leh Katy Mullan te an ni.

"Saturday Night Live" chu award dawng hnem ber niin paruk a dawng a, hengte hi technical craft category hnuaiah vek a ni. Hengte nen hian SNL hian Primetime Emmy ward hi 97 zet a dawng tawh.

"Blue Eye Samurai", "Jim Henson: Idea Man", leh The Oscars chuan award pali ṭheuh an dawng a, Bill Joel special "Billy Joel - The 100th Live at Madison Square Garden" chuan technical award pathum a dawng bawk.

'Jeopardy' chu best game show-ah thlan a ni a, 'Shark Tank' chuan award panga a dawnna turin reality show category-ah a dawn belh ve leh bawk. Best narrator award chu Angela Bassett in a dawng a, National Georaphic-a 'Queens' a narrate aṭangin he chawimawina hi a dawng a ni.