Praise On 2024 ṭan a ni ta

SYNFO leh Central KṬP buatsaih, Praise On 2024 Audition chu September 6, 2024 (Zirtawpni) khan ṭan a ni ta.

Praise On 2024 Audition hmasa ber hi Champhai Venglai Kohhranah neih a ni. Audition hi September 10-ah New Serchhip Kohhranah, September 14-ah Kolasib Hmar Veng Kohhranah leh September 21-ah Lunglei Bazar Veng Kohhranah neih chhunzawm a ni leh ang a, Aizawl Audition chu September 25-28 chhung hian Tuikual Kohhranah neih a ni thung ang.

Praise On 2024-ah hian Google Form hmanga Audition ti tura inpe chu mi 350 chuang an ni. An zing aṭanga mi 120 aia tam lo thlan chhuahte chu September 14-16 chhung hian Saron Veng Kohhranah an intihsiak ang. Judge hi Upa F. Lalthanmawia, R. Lalrinmawii leh Michael Lalneihtluanga te an ni a, Guest Judge atan H. Lalṭhazuala a thu ṭhin dawn bawk a ni.