Michael Angelo Aizawlah a rawn kal dawn

Khawvel huap pawha guitar thiam lar Michael Angelo Batio chu Aizawl≠ah a rawn kal dawn a, July 21 zan khian Vanapa Hall-ah concert a nei ang.

Michael Angelo hi Music Inn-ina an chah luh tur a ni a, India ramah tour a nei chho dawn a, a tour karlak hunawl chu remchangah hmangin Aizawlah a rawn concert dawn a ni. July 21 chawhma dar 11 aṭanga chawhnu dar 2 thleng hian Hotel Regency-a music a play phawt ang a, chumi hnuah, zan dar 7 aṭangin Vanapa Hall-ah concert a nei zui ve leh dawn a ni.

Concert ticket man hi Rs. 1,500, Rs. 1,000 leh Rs. 500 a ni ang a, Hotel Regency-a a show tur ticket man hi Rs. 500 a ni ang. Ticket hi Music Inn, Pro Hub, Music Home, Active Sound leh Sonata Music School aṭangtein a lei theih.

Concert-ah hian Michael Angelo bakah hian Mizo tena musician kan neih ṭhat, ZTPA, Lawma, Boomarang leh Reverse Tragedy an che dawn bawk.