India ramah Dua Lipa

Grammy-winning singer, Dua Lipa chu November 30, 2024 hian Mumbai-a MMRDA, BKC ah a perform dawn.

Dua Lipa hian Zomato Feeding India Concert (ZFIC) a headline dawn a, he concert-a perfrom tur zingah hian Jonita Gandh leh Talwiinder te pawh an tel. Zomato CEO Deepinder Goyal chuan X-ah kumin event an neih turah Dua Lipa hi a headline dawn tih a sawichiang tawh a ni. Dua Lipa pawhin India ram nuam a tih thu sawiin, November thla a hun a hman tur chu a nghakhlel tawh hle tih a sawi ve bawk. 

Tun ṭum hi kum 2019-a Mumbai-a music festival-a a perform hnua India rama a perform lehna tur a ni. August 29 aṭangin ticket hi lei theih a ni ang. Zomato Feeding India concert hi Zomato-in India rama mi retheite pual a sum tuakna atana charity event a buatsaih a ni a, ticket sales bakah donation pawh an hmu ṭha ṭhin hle. He an sum hmuhte hi mi retheite chhawmdawlna hna thawhna program hrang hrang atan an hmang ṭhin a ni.